Edoskitze saioa

Ama izan berri zara? Litekeena da biok bizitzako unerik bizienetako batean egotea. Jaiotzaren ondoren, haurra hartzeko lekurik onena zure gorputza da, horregatik azala azalarekin saioa proposatzen dizuet.

Duzuen lotura berezi hori erretratatu nahiko nuke eta emakumearen irudia edoskitzaroan normalizatu. Edoskitzen ez bazaude ere egin dezakegu saioa. Aitzakia ezin hobea izango da denbora batez azala azalarekin egoteko zure umetxoarekin. kontaktu horren bidez maitasuna, beroa, lasaitasuna eta segurtasuna transmititzen diogu haurrari. Ni hor egongo naiz, zuen arteko lotura eta emozioak jasotzeko.

Ordu bat inguruko iraupena du saioak. Giro intimo eta seguruan izango da, zuen etxeko goxotasunean. Biluzik, erdi biluzik edo eroso sentitzen zaren lekuraino.